DNT x Sunnfjord U40 inviterar til ein ettermiddag med utandørsklatring.
Vi gjer merksam på at dette arrangementet er ein samling utan NF-sertifisert utandørsinstruktør, men med frivillige turleiarar som har mykje klatreerfaring. Det betyr at ein i utgangspunktet sjølv er ansvarleg for velje aktivitet etter evne.
Har du ikkje klatra ute før? Det er inga hindring! Våre frivillige turleiar ynskjer å skape trygge rammer for å teste ein første gang, f.eks ved å klatre i topptau. Denne ettermiddagen er lågterskel og perfekt for deg som er litt nysgjerrig på om ein skal ta steget frå innandørs – utandørs.
God erfaring? Dette er ein fin anledning til å bli kjend med andre som har same interesse.
Alle som melder seg på aktiviteten må ha brattkort!
Klikk her for å lese meir om klatrefeltet: Miniførar Hornnes klatrefelt
Oppmøte:
For å unngå for mange bilar på parkeringa vert det samkøyring frå festplassen i Førde kl.17.00
Utstyr:
Må ha: klatresele, skrukarabin, klatresko, taubrems & klatrehjelm
Om du har, ta med: Ekstra skrukarabin, slynge (60 eller 120 cm) & tau
Ta med eige utstyr. Manglar du noko har turlaget utstyr til utlån. Det er gratis utlån for DNT-medlemmer, kostnad for ikkje-medlemmer. Skriv ev kva du har/ manglar i kommentarfeltet.
Elles kan det vere fint å ha med seg mat og drikke.
Påmelding innan 25.august kl.23.59.
